Tri kolona me autoblinda policore mbrëmë kanë lëvizur nga Shkupi për në Kumanovë, thonë për Gazetën Lajm banorë të komunave Butel dhe Gazi Babë. Sipas tyre lëvizja e autoblindave është vërejtur pas orës 2 të mesnatës.
“Ishin tri kolona, mendoj se më shumë se 50 autoblinda. Lëviznin Ndërkohë edhe banorë të Çairit thonë se mbrëmë pas orës 2 e 30 minuta kanë dëgjuar sirena policore në interval kohor 10 – 15 minuta. Nga Ministria e punëve të brendshme mohojnë mundësinë të ketë pasur aq shumë autoblinda.
Burime të larta në MPB thonë se me siguri ka qenë në pyetje transport i ndonjë shume të madhe parash, ose ndonjë të arrestuari, por sipas tyre ka pasur më pak autoblinda. “Nuk ka pasur aksion. Mund të ketë qenë ndonjë aktivitet i rregullt, që për shkak të ndjeshmërisë nuk e informojmë opinionin”, kanë thënë burime në MPB për Gazetën lajm.
