Ambasada e SHBA-së në Kosovë porositi se Uashingtoni zyrtar nuk ka kurrfarë preferenca dhe nuk mbështet asnjë parti ose kandidat në zgjedhjet parlamentare të Kosovës që do të mbahen të dielën, më 6 tetor, njofton korrespondenti i MIA-s nga Prishtinë.
Në kumtesën e sotme të ambasadës amerikane theksohet se SHBA-ja respekton të drejtën dhe përgjegjësinë e atyre të cilët do të votojnë për ardhmërinë e vendit të tij.
“Qeveria e SHBA-së nuk favorizon dhe nuk mbështet asnjë parti ose kandidat në zgjedhjet që do të mbahen këtë javë. Ne i respektojmë të drejtën dhe përgjegjësinë e votuesve në Kosovë për ta përzgjedhur ardhmërinë personale”, thuhet në ambasadën amerikane.
Reagimi i përfaqësisë diplomatike të SHBA-së në Prishtinë vijoi pas kumtesë së Partisë Demokratike të Kosovës (PDK) të kryetarit të deritanishëm të kuvendit Kadri Veseli, në të cilën pohohet se “njeriu i afërm i presidentit amerikan Donald Tramp vjen në Prishtinë për t’i dhënë mbështetje Veselit për fushatën”.
Bëhet fjalë për Methju Vitaker, i cili nga nëntori i vitit 2018 deri në shkurt të vitit 2019 e ka kryer funksionin e ministrit të Drejtësisë në Qeverinë amerikane, pasi paraardhësi i tij dhe shef i atëhershëm Xhef Seshens dha dorëheqje në kërkesë të Trampit.
PDK-ja bëri të ditur se Vitaker udhëton në Kosovë për ta mbështetur liderin e saj Veseli “në luftën e tij kundër korrupsionit dhe në angazhimet për përforcimin e partneritetit me SHBA-në”.
