Anëtari serb i Presidencës së Bosnjës dhe Hercegovinës, Milorad Dodik, deklaroi se situata në BiH mund të zgjidhet përmes ndërmjetësimit të Presidentit turk Rexhep Tajip Erdogan, Aleksandrit Vuçiç të Serbisë dhe Zoran Milanoviç të Kroacisë, të cilët mund të kontribuojnë në dialog, transmeton InfoShqip.
Dodik tha se boshnjakët, në një masë më të vogël kroatë, u besojnë ndërmjetësve aktualë për disa arsye, siç tha ai, ndërsa serbët nuk u besojnë atyre fare.
“Nëse është e mundur që ne të flasim në plejadën Erdogan, Vuçiq, Milanoviç – ne do të flasim. Nëse jo, do të shohim” – tha Dodik.
Dodik vuri në dukje se ishte e nevojshme që ai të ishte në takimin e fundit të anëtarëve të Presidencës së BiH me Erdoganin në Sarajevë, i cili, siç deklaroi ai, nuk ishte as i këndshëm dhe as i lehtë për të.
“Nuk ishte e lehtë të dëgjoja të gjitha ato histori, por mund ta imagjinoj se çfarë do të ishte thënë nëse nuk do të kisha qenë atje dhe nëse nuk do të kisha pasur mundësinë t’u tregoja atyre gjithçka që thashë” – shpjegoi Dodik./InfoShqip.com
