Takimi i kryetarit të BDI-së, Ali Ahmeti me të ashtuquajturit “Grupi i zjarrit” në selinë e partisë në Mala Reçicë. Pas këtyre bisedimeve, lideri i BDI-së bëri të ditur se debati në parti do të vazhdojë dhe për dhjetë ditë do të mbahet Kuvendi Qendror në të cilin do të zgjidhet kryesia e re, transmeton InfoShqip
Nuk ka zjarr, nuk ka flakë, tha kryetari i BDI-së, Ali Ahmeti, pas takimit me përfaqësuesit e të ashtuquajturit “Grupi i Zjarrit”, i cili muajin e kaluar me shkrim kërkoi reforma në partinë e integruesve dhe largimin. të zv.kryeministrit Artan Grubi.
Ahmeti theksoi se partia e tij ka qenë gjithmonë e hapur për debat, asnjëherë nuk ka bllokuar opinione të ndryshme, andaj debati me të gjithë zyrtarët e BDI-së do të vazhdojë.
“Në bazë të analizave do të vazhdojmë me debatet”. Nuk ka zjarr, nuk ka flakë, karakteristikë e BDI-së është se asnjëherë nuk është bërë përpjekje për të shuar mendimin divergjent, për ta shtypur atë, as për të bërë luftë kundër mendimit divergjent. Përkundrazi, duke respektuar këto parime, ne kemi marrë vendimet e duhura. Pra nuk ka zjarr dhe nuk do të ketë”, theksoi Ahmeti.
Ahmeti ka theksuar se debati do të kthehet në organet më të larta të partisë, ku ndër të tjera do të diskutohet për situatën aktuale politike.
“Më 15 tetor do të jetë Kuvendi Qendror ku do të diskutohet për situatën politike, por edhe do të zgjidhet kryesia e re, e cila do të zgjedhë edhe autoritetet e tjera. Përbërja qeveritare e BDI-së do të përgjigjet para këtij autoriteti”, tha Ahmeti.
Deputeti Izet Majiti, pjesë e të ashtuquajturit “Ognena grupa” në pyetjen e një gazetari është shprehur i kënaqur nga takimi. Për zëvendësimin e kërkuar të zëvendëskryeministrit, Artan Grubi, ai theksoi se do të vendoset më tej në vetë partinë./InfoShqip.com
