Lideri i BDI-së Ali Ahmeti për “Radio Evropa e Lirë” tha se koalicioni qeveritar ka shpenzuar shumë energji për marrëveshjen e Prespës.
“Ky koalicion me të vërtetë ka investuar shumë e energji në fushën e menaxhimit të këtij procesi në mënyrë që të respektojë marrëveshjen Prespës, pothuajse të gjithë kapacitetin e plotë të partive politike, qeverisë së Republikës së Maqedonisë, të gjithë angazhimin është që ky proces të zbatohet, për shkak se ky është një proces shumë i rëndësishëm, është një proces i papërsëritshëm. Ky është një moment vendimtar nëse Republika e Maqedonisë do të lëvizë në një drejtim të mirë, ose do të qëndrojmë në vend. Nëse mbetemi në vend, mbetja në vend ka pasoja të paparashikueshme për ne si vend, por edhe për rajonin. Pra, zgjidhjen e këtij problemi, zbatimi marrëveshjes, ose dështimin i marrëveshjes, për të cilin unë nuk do të doja të mendoj se, dështimi i marrëveshjes së Prespës do të ketë pasoja për të gjithë rajonin. Por i gjithë rajoni ka përfitime nga instalimi i paqes, sigurisë, stabilitetin dhe të ardhmes së Republikës së Maqedonisë”, tha Ahmeti.
Për procesin e ndryshimeve kushtetuese, ai tha se në atë ka “një shqetësim, sepse ky është një proces shumë i rëndësishëm, unë kam frikë të mos lëndohen nga mosdija e institucioneve, të mos krijojë një opinion publik se ky është një proces që tashmë është mbyllur dhe se është përfunduar. Ky proces është ende në zhvillim e sipër dhe duhet të jenë të vëmndshëm të gjitha institucionet shtetërore, institucionet e zbatimit të ligjit dhe institucionet e zbatimit të ligjit, dhe të jenë të vëmendshëm, të ruhen nga inflamacionet e jashtme, sepse imuniteti i këtij procesi lehtë mund të rrezikohet”.
Për arratisjen e Nikolla Gruevskit, Ahmeti tha se nuk pritur që ai të largohet nga vendi dhe ai pret që ai të japë më shumë shpjegime për vetë procedurën.
