Ambasadori LU dhe i gjithë stafi i ambasadës së SHBA-ve surprizuan me veshjet e tyre për nder të 28 Nëntorit, shikoni pamjet (FOTO)

Personeli i ambasadës së SHBA-ve në Tiranë, përfshirë ambasadorin Donald Lu, janë veshur me kostume popullore tradicionale të Shqipërisë, në Ditën e Festës së Pavarësisë.

Në faqen e saj, ambasada e SHBA-ve shprehet sot se javën e kaluar, ambasada amerikane në Tiranë festoi Ditën e Pavarësisë së Shqipërisë me një shfaqje shumë të veçantë.

“Personeli i ambasadës u vesh me kostume popullore tradicionale nga të gjitha rajonet e Shqipërisë, duke treguar kështu jo vetëm zejtarinë e mrekullueshme dhe unike, por edhe kulturën dhe artin shqiptar që është trashëguar nga brezi në brez”, thekson ambasada.

“Shihni fotot dhe na thoni nëse arrini dot të gjeni zonën të cilës i përkasin këto kostume, ose cili prej tyre është i preferuari juaj. (E drejta e fotove: Grace Medina)”, thuhet në faqen e ambasadës së SHBA-ve në Tiranë, ku sfilojnë një larmi të kostumeve popullore.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu