Pas takimit me aleatët, kryedemokrati Lulzim Basha ka lajmëruar një komunikim me gazetarët në orën 19:30. Sipas informacioneve, kryedemokrati do të flasë mbi aksionin opozitar, pasi humbën të gjitha bashkitë.
Pas takimit me Bashën, Kryemadhi ripërsëriti edhe njëherë se Rama ka rënë, pasi shqiptarët sipas saj, i thanë në shumicë jo.
“Të gjitha do të vijnë hap pas hapi, e rëndësishme është që 85% e shqiptarëve i thanë jo Edi Ramës. Çdo gjë ka rënë, përderisa 85% e shqiptarëve i thanë jo, çdo gjë është ilegjitime” tha Kryemadhi.
Opozita aktuliasht është jashtë parlamentit, ndërsa humbi edhe të gjitha bashkitë e vendit.
