Presidenti i Turqisë Recep Tayyip Erdoğan, ka zhvilluar një bisedë telefonike me presidentin e Iranit, Hasan Ruhani, raporton Anadolu Agency (AA).
Sipas informacionit të siguruar nga burimet presidenciale, Erdoğan dhe Ruhani gjatë bisedës kanë diskutuar mbi vendimin e SHBA-ve për tërheqjen nga marrëveshja bërthamore me Iranin.
Erdoğan është shprehur se nuk e vlerëson si të duhur vendimin e SHBA-ve për tërheqje nga marrëveshja. Ai theksoi se si Turqi janë për ruajtjen e Planit të Përbashkët për Veprim.
Dy liderët në bisedë gjithashtu folën edhe për zhvillimin e marrëdhënieve bilaterale ekonomike.
