Në Itali “Gazzetta dello Sport” ka klasifikuar Thomas Strakoshën si portier më të mirë se Etrit Berisha.
Gazeta ka publikuar një listë me lojtarët më të mirë të roleve respektive e mbështetur në paraqitjet dhe notat e tyre në ndeshjet e luajtura.
Në këtë rënditje Strakosha vlerësohet me notën 6.5 dhe pozicionohet i dyti, pas talentit të Milanit, Xhanluixhi Donaruma. 21-vjeçari i Lazios lë pas në radhë Sheznin e Romës, Handanoviçin e Interit, Konsiljin e Sasuolos dhe Etrit Berishën në vendin e gjashtë.
Portieri i kombëtares shqiptare është vlerësuar me notën 6.38.
Kështu mund të nisë një rivalitet mes dy portierëve shqiptarë për të marrë vendin e titullarit tek kombëtarja, ku Berisha është titullar i padiskuteshëm për momentin. /shqiperiaime
Renditja e portierëve:
1 – Donaruma (Milan) 6,8
2 – Strakosha (Lacio) 6,5
3 – Shezni (Roma); Handanoviç (Inter) 6,5
5 – Konsilji (Sasuolo) 6,43
6 – Berisha (Atalanta) 6,38
7 – Bixarri (Peskara) 6,36
8 – Skorupski (Empoli); Hart (Torino) 6,3
10 – Rafael (Kaljari); Perin (Xhenoa) 6,25.