Ambasadori i Serbisë në SHBA, Marko Gjuriq, ka mohuar se Beogradi është përgjegjës për ngritjen e tensioneve në Ballkan.
Ajo ka ardhur si reagim për letrën e dërguar te administrata amerikane nga përfaqësuesit e shoqatave të shqiptarëve, malazezëve dhe boshanjkëve në SHBA, raporton Zëri i Amerikës, transmeton Klankosova.tv.
“Mendoj që Serbia nuk është përgjegjëse për tensionet politike dhe keqkuptimet në rajon”, është shprehur Gjuriq.
“Sot Serbia me të vërtetë dëshiron që të dalë nga matrica e konflikteve ndërshtetërore dhe ndëretnike. Ky është interes yni vital”- tha ai.
