Të hënën skadon afati kushtetues deri kur presidenti duhet ta jap mandatin për formimin e qeverisë së re, njofton agjencia e lajmeve INA.
Partitë politike janë duke heshtur rreth matematikave për koalicionimet e reja, ndërsa lideri i VMRO-së, Nikolla Gruevski jep sinjale se do ti realizoj kërkesat e shqiptarëve.
Ai ka theksuar se është i gatshëm ta miratoj Ligjin për Përdorimin e Gjuhëve si dhe ka përmendur Ligjet për Aministi dhe përdorimin e simboleve.
Në anën tjetër, partia opozitare LSDM shprehet e sigurtë se, së bashku me shqiptarët do ta dërgoj në histori liderin kontraverz të partisë rivale.
Ndërkohë që BDI-ja, deputetët e të cilës janë vendimtar për formimin e shumicës thotë se nuk është duke negociuar me asnjë parti politike.
Në këtë ‘lojë’ janë involvuar edhe kryeministri i Shqipërisë, Edi Rama dhe Presidenti i Kosovës, Hashim Thaci.
Ata kanë përgëzuar sjelljen e partive politike shqiptare para dhe pas rezultatit zgjedhor, i cili duhet të reflektoj momentin për të riafirmuar përcaktimet programore dhe strategjike të shqiptarëve që janë edhe në interes të së ardhmes evropiane të Maqedonisë./ina
