Kryeministri i Kosovës, Ramush Haradinaj është parë tejet i emocionuar në Akademinë përkujtimore për nder të Epopesë së UÇK-së.
Ai ka folur me emocion kur i ka prezantuar brezin e ri të Jasharajve.
“Është diçka e mrekullueshme me pa brezin e ri, Ademin e Hamzën e ri. Bekimin, po edhe me nejt përballë bacit Rifat Jashari”, tha Haradinaj me lotë në sy, transmeton lajmi.net.
Në fjalën e tij tutje kryeministri vendit tha se me flijimin e Jasharajve në vitin 1998, bota e kuptoi se çfarë po ndodhë në Kosovë.
“Heronjtë, veçanarisht Jasharët na kanë mësuar se njën popull që e mbron lirinë me jetë, kanë të ardhme të sigurt”, tha Haradinaj.
“Liria sot garanton qetësi, siguri e mirëqenie. Ta bëjmë Kosovën ashtu si e ëndërruan të rënët për liri”, tha kryeministri Haradinaj.
Kjo akademi u mbajt pikërisht nën organizimin e kryeministrit të Kosovës.
