Numri i të rinjve që përdorin qetësues në Maqedoni po shkon drejt rritjes. Një hulumtim i Institutit të Shëndetit Publik, i mbështetur nga Organizata Botërore e Shëndetësisë, tregon se 11% e të rinjve prej moshës prej 13 deri 16 vjeç , kanë përdorur qetësues, dhe kjo është e dhënë alarmuese krahasuar me mesataren ervopiane prej 6%.
Mjekët thonë se alarmant është edhe fakti që në shumicën e rasteve, fëmijët I marrin qetësuesit nga prindërit. ISHT kërkon ligje më të ashpra në këtë drejtim për të parandaluar pasojat.
“Shumë shpesh ndodhë që prindërit të jenë ata që herën e parë ju japin pilula fëmijëve të tyre që të qetësohen para provimit ose hartimit. Por jo vetëm fëmijët, ndodhë edhe atë shumë shpesh që prindërit të përdorin qetësues” – deklaroi Silvana Onçeva nga Instituti i Shëndetit Publik.
“Tanimë ka masa, ato kanë të bëjnë para se gjithash me avancimin e edukimit të nxënësve dhe të rinjve, përmirësimin e kapaciteteve të kuadrove në institucionet përkatëse përmes trajnimeve dhe sahtimit të njohurinë e tyre për format e përdorimit të qetësuesve” tha Elena Qosevska nga Instituti i Shëndetit Publik, shkruan Zhurnal.
Që nga 1969 ku është regjistruar përdoruesi i parë i drogës në vend, edhe numri i përdoruesve të drogës rritet me përmasa shqetësuese.
Njësoj shqetësues është edhe fakti që po shtohet numri i atyre që luajnë bixhoz. 13,6% e të anketuarve të moshës 13 deri 16 vjeçe, kanë deklaruar se kanë luajtur bixhoz.
Edhe përkundër rënies nga një vit më parë, shqetësues mbetet edhe numri I përdoruesve të rinj të duhanit. Aktualisht 10,9% e nxënësve të shkollave fillore dhe të mesme, janë duhanpirës. Në këtë hulumtim janë përfshirë 5141 të rinj të anketuar.