Bilall Kasami, kryetar i Komunës së Tetovës, i ftuar sonte në Click Plus, foli edhe për sistemimin e qenve endacak, ku tha se komuna i paguan shoqatës “Amos” me të cilën ka lidhur marrëveshje, 300 euro për një qen të larguar nga rruga. Kasami tha se nga momenti që bëhet pagesa nuk është më çështje e komunës, por e shoqatës që merret edhe me sistemimin e tyre.
“Problemi me qentë endacak është një problem kompleks që kërkon zgjidhje. Zgjidhja aktuale është ajo që kemi aktualisht me shoqatën “Amos”. Komuna i paguan shoqatës 300 euro për një qen për ta larguar nga rruga. Në momenti që shoqata i kap këta qenë, ata bëhen pronë e shoqatës. Pasatja nuk është problemi i komunës, me ata merret shoqata në fjalë. Shoqata i sistemon këta qenë nëpër familje deri në Angli. Deri tani janë trajtuar 41 dhe priten të trajtohen edhe 81 të tjerë.”, tha Kasami.