Edi Rama ka reaguar menjëherë pas mbledhjes së kryesisë së Partisë Socialiste, ku shprehet se ai do të jetë de jure në postin e Ministrit të Jashtëm sepse sipas tij nuk ka kohë për të humbur në kërkim të Presidentit.
Ai gjithashtu shkruan në Twitter se, Presidenti s’e ka ç’dekretuar Ministrin e Jashtëm brenda afatit kushtetues. “Shkelje e radhës që do ta ballafaqojmë bashkë me të tjerat në Gjykatën e re Kushtetuese,” – shkruan Kryeministri Edi Rama.
Statusi i plotë në Twitter:
Presidenti s’e ka çdekretuar Ministrin e Jashtëm në afatin kushtetues. Shkelje e radhës që do ta ballafaqojmë bashkë me të tjerat në Gjykatën e re Kushtetuese. Deri atë ditë që vjen shumë shpejt,do të jem de jure në këtë rol sepse s’kemi kohë për të humbur në kërkim të Presidentit.
