Kryeministri grek ia bën me dije Kurtit: Dialogu do ta fuqizonte perspektivën evropiane të vendit

Kryeministri i Republikës së Kosovës, Albin Kurti, ka pranuar telegram urimi nga kryeministri i Republikës së Greqisë, Kyriakos Mitsotakis, ku e ka përgëzuar për zgjedhjen e tij si kryeministër dhe i ka uruar suksese në detyrën e tij të re.

Në këtë letër, kryeministri grek shpreh edhe nevojën që dialogu me Serbinë të vazhdojë. Shmangia e veprimeve që janë në kundërshtim me marrëdhëniet e mira fqinjësore, do të fuqizonte perspektivën e Kosovës.

“I nderuar z. Kurti, Dëshiroj të ju përgëzoj për zgjedhjen tuaj si Kryeministër, dhe ju uroj çdo sukses!. Siç e dini, Greqia gjithmonë ka qenë avokat i vazhdueshëm i perspektives Evropiane për Ballkanin Perëndimor, me qëllim të promovimit të stabilitetit dhe prosperitetit në rajonin tonë të përbashkët, Evropën Jug-Lindore. Jam i bindur se zbatimi i reformave të nevojshme nga ana e Prishtinës, në përputhje me rekomandimet e BE-së, vazhdimi i dialogut ndërmjet Prishtinës dhe Beogradit, të lehtësuar nga ana e BE-së, si dhe shmangia e veprimeve që janë në kundërshtim me marrëdhëniet e mira fqinjësore, do të fuqizonte perspektiven tuaj Evropiane. Në këtë drejtim, Greqia do të vazhdojë të mbështesë në mënyrë aktive aspiratat e popullit të Kosovës”, thuhet në letrën e dërguar nga kryeministri grek.

data-full-width-responsive="true">

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu