Kryetari i Lëvizjes Besa, Afrim Gashi, po merr pjesë sot në simpoziumin “140-vjetori i Lidhjes së Prizrenit”, që po mbahet në Prizren, i organizuar nga organizatat joqeveritare IDEA dhe ARASTA.
Ndër të tjera, Gashi foli për përmbushjen e idealeve të Lidhjes së Prizrenit.
“Kur është fjala për dimensionin politik, ushtarak, arsimor dhe kulturor-identitar i Lidhjes së Prizrenit, janë ideale që kanë mbetur gati se të papërmbushura. Ne si komb do të duhet ta dimë se kjo është korniza e shqiptarisë, prej së cilës akoma mund të marrim mësim, natyrisht në kuadër të idealeve aktuale politike euro-integruese”, theksoi Gashi.
Në panel kanë marrë pjesë edhe kryetari i Lëvizjes VETËVENDOSJE, Albin Kurti si dhe kryetari i Lëvizjes për Drejtësi, Sulejman Çerkezi. /SHENJA/
