Lionel Messi ka folur për kërcënimin që ka marrë nga boksieri Saul ‘Canelo’ Alvarez, duke këmbëngulur se ai “nuk ka shpërfillur popullin e Meksikës”.
Një video e zhveshtore që tregonte një fanellë të Meksikës në dysheme pranë këmbëve të Messit pas humbjes së tyre ndaj Argjentinës shkaktoi zemërim te boksieri meksikan Canelo.
“Messi më mirë të lutet që të mos e gjej”, ishte një kërcënim i lëshuar nga Canelo në profilin e tij në Twitter.
Që atëherë, Alvarez ka lëshuar një deklaratë duke kërkuar falje për shkak se është “rrëmbyer” dhe Messi mohoi çdo keq bërje pas fitores së fundit të Argjentinës në Kupën e Botës ndaj Polonisë.
“Ishte një keqkuptim. Ata që më njohin e dinë që unë nuk e shpërfilli askënd. Këto janë gjëra që ndodhin në zhveshtore pas ndeshjes. Nuk kam pse të kërkoj falje sepse nuk kam bërë ndonjë mos-respekt për popullin e Meksikës apo fanellën”, ka thënë Messi.
Skenat në zhveshtore të Argjentinës erdhën pasi Messi frymëzoi një fitore 2-0 ndaj Meksikës në ndeshjen e dytë.
Ndryshe, Albiceleste përfundoi grupin në pozitën e parë pas një fitoreje ndaj Polonisë me të njëjtin rezultat të mërkurën mbrëma, duke përfunduar një rikthim të jashtëzakonshëm pas humbjes së tyre befasuese ndaj Arabisë Saudite.
Messi do të udhëheqë sërish vendin e tij në ndeshjen e 1/8-tës, ku do të përballen me Australinë të hënën. /Telegrafi/
