Mickoski i gatshëm për marrëveshje të re

Ndryshimi i preambulës për futjen e popujve në të është joparimore dhe jo evropiane. Kështu ka deklaruar kryetari i VMRO-DPMNE-së, Hristijan Micskoski duke shtuar se nëse Qeveria tani pretendon se ka hapur bisedimet për hyrjen në BE, atëherë duhet të gjithë të sillemi si evropian.

Kreu i opozitës maqedonase deklaroi se është i gatshëm të bisedojë për heqjen e 20%-shit nga Kushtetuta, por shtoi se duhet të bisedohet edhe për heqjen e bandenterit dhe të krijohet një marrëveshje e re për Maqedoninë, shkruan Alsat.

“Të kemi një sistem korrekt në Maqedoni ku njerëzit nuk do të përparojnë për shkak se janë pjesë e ndonjë numri ose kuote, ose e ndonjë përqindje, por për shkak se vlejnë, sepse janë konkurrentë, sepse kanë njohuri e kështu me radhë. Unë shpresoj se politikanët shqiptarë në Maqedoni nuk do i nënçmojnë më tepër qytetarët shqiptarë në Maqedoni dhe nuk do i trajtojnë si përqindje, por të barabartë, si të gjithë të tjerët, Të ulemi të bisedojmë që normat Badenter dhe balancues të fshihen dhe bashkë me këtë edhe të gjitha punët e tjera që janë në tavolinë, të flasim për një marrëveshje të re në Maqedoni”, deklaroi Hristijan Mickoski, VMRO-DPMNE.

Lidhur me mbështetjen e ndryshimeve kushtetuese për futjen edhe të bullgarëve, kryetari i Aleancës për Shqiptarët, Arben Taravari një ditë më parë deklaroi se deri në fund të javës që vjen do të shpalosin pakon e kushteve të tyre të cilën fillimisht do ia prezantojnë faktorit ndërkombëtar, e më pas opinionit. Taravari shtoi se një ndër kushtet është që të ndryshohet definicioni i gjuhës shqipe në Kushtetutë, që momentalisht figuron si “gjuha që flasin më së paku 20 % e qytetarëve”.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu