Barcelona ka bërë një ofertë të re për Neymarin, 130 milionë euro plus Ousmane Dembele dhe Ivan Rakitic. E ardhmja e brazilianit pritet të zgjidhet deri të enjten.
E ardhmja e Neymarit është në duart e Ousmane Dembele dhe Emirit të Katarit, Tamim ben Hamad Al Thani – dy personave që mund ta zhbllokojnë kalimin e brazilianit në Barcelona apo ta lënë atë në PSG-në për edhe një sezon tjetër,
Sipas gazetës franceze L’Equipe, Barcelona dhe PSG-ja janë duke i vazhduar bisedimet nga distanca pas takimit të së mërkurës në Paris, ku të dy palët i shtruan propozimet e tyre dhe tentuan ta arrinin një marrëveshje.
Neymari vlerësohet 170 milionë euro, një shifër e pranuar nga të dy palët, por problemi tani qëndron te mënyra sesi Barcelona mund ta ofrojë këtë shumë.
Sipas të përditshmes franceze, oferta më e fundit e Barçës është 130 milionë euro, plus Ivan Rakitic, si dhe huazimi i Dembeles për një sezon.
Barça është duke tentuar ta bindë Dembelen ta pranojë huazimin në Paris, duke u thirrur mbi argumentin se ai do ta ketë problem të zërë vend me Leo Messin. Luis Suarezin, Antoine Griezmannin dhe Neymarin në skuadër
