VMRO-DPMNE me lajme të rreme po shpërndanë manipulime për realizimin e aksioneve në tregun vendor të letrave me vlerë dhe rezervave devizore, thonë nga Lidhja Socialdemokrate e Maqedonisw, njofton InfoShqip.
Nga partia qeveritare thonë se konstatimet e VMRO-DPMNE-së për gjoja ndonjë ulje të rezervave devizore janë pa përmbajtje. Ata theksojnë se bëhet fjalë për praktikë të rregullt të pagesës nga llogaria vetanake e shtetit të kësteve kreditore, interesit dhe borxheve të vjetra të shkaktuara nga qeverisja e kaluar.
“Ajo që qytetarët presin nga VMRO-DPMNE është serioziteti dhe jo shpërndarja e lajmeve të rreme. I vetmi kërcënim për Buxhetin dhe ekonominë ishin politikat kriminale të Nikolla Gruevskit dhe VMRO-DPMNE-së, të cilët për interesa kriminale të individëve i futën ne borxh qytetarët dhe e rritën borxhin publik në nivelin e mbi 50 %. Qeveria e udhëhequr nga LSDM punon në stabilizimin e borxhit publik, në menaxhimin efikas me financat publike në atë kontekst borxhi po zvogëlohet për herë të parë pas shumë viteve, janë të siguruara mjetet financiare për rritjen e pagës minimale në 12.000 denarë, janë kthyer 3.9 miliard denarë nga TVSH-ja për firmat dhe tregun ekonomik në përgjithësi, janë siguruar mjete për rritjen e pensioneve në përputhshmëri me koston e jetesës, gjegjësisht 2.160 denarë në vit më shumë për çdo pensionist.”- thuhet në kumtesën e LSDM-sw.
