Banorët e New York-ut janë duke jetuar në frikë, pasi një numër i fëmijëve çdo ditë po zhduken nga autobusët e shkollave, çerdheve apo shkollave private.
Vetëm gjatë këtij viti, në metropolet amerikane janë zhdukur 457 fëmijë në mënyrë misterioze, kanë bërë të ditur nga zyra e komisionarit special për kontrollin e shkollave të New York-ut, transmeton Telegrafi.
Në shumicën e rasteve zhduken fëmijët me nevoja të veçanta, si dhe fëmijët e moshës 3-4 vjet, shkruan “New York Post”.
Edhe pse këshilli i qytetit të New York-ut gjatë nëntorit të vitit të kaluar, pati instaluar mbi 21 mijë alarme në dyert e 1.200 shkollave dhe çerdheve, shumica e objekteve që kujdesen për fëmijë janë të pasigurta, dhe kështu përveç rrëmbimeve, ekzistojnë raste kur vullnetarisht ikin.
Për më tepër, për zhdukjen e fëmijëve përgjegjësinë e bartin edhe mësueset dhe edukatoret të cilët nuk i vërejnë fëmijët duke bredhur rrugëve, por ka pasur raste që janë kthyer nga udhëtimit apo ekskursioni me më pak fëmijë sesa kur ishin nisur.
Ka ndodhur që fëmijët u janë dorëzuar personave të panjohur të cilët janë prezantuar si të afërmit e tyre!
