Kryeministri Edi Rama do të takohet sot në Novi Sad të Serbisë me Presidentin serb, Alexandar Vuçiç dhe Kryeministrin e Maqedonisë së Veriut, Zoran Zaev për të nënshkruar të ashtuquajturin ‘Mini Shengen ballkanik’ për lëvizjen e lirë të njerëzve dhe të mallrave.
Rama do të pritet fillimisht nga Vuçiç e më pas do të ketë edhe një takim me homologun e Maqedonisë së Veriut, Zaev. Përcaktimi i detajeve të fundit të marrëveshjes do të bëhet ditën e enjte ndërsa gjatë drekës të tre liderët do të mbajnë edhe një konferencë për mediat.
Jashtë kësaj marrëveshjeje është lënë Kosova e cila e ka cilësuar atë si një rikthim të ish-Jugosllavisë. Nga ana tjetër institucionet ndërkombëtare e kanë mbështetur këtë nismë.
Ambasadori i Kosovës në Shqipëri, Sylë Ukshini, tha pak ditë më parë se nuk mund të ketë Mini Shengen ballkanik pa Kosovën. /Opinion.al
