Prokuroria Speciale Publike (PSP) ka bërë të ditur se e merr në kompetencë të saj lëndën ”Sopoti”. Pas dhënies së kësaj lënde nga Gjykata Penale e Shkupit, PSP-ja kishte tetë ditë kohë për të dhënë një përgjigje.
Avokati Naser Raufi, ka konfirmuar për TV21 se në seancën e shtatorit, ”Sopoti” do të përfaqësohet nga PSP-ja.
Në rastin e Sopotit janë të dënuar 11 banorë të këtij fshati për terrorizëm dhe u dënuan me 150 vite burg.
Ky rast ka të bëjë me incidentin e vitit 2003 kur në mina shkeli një kontingjent polak i NATO-s, me ç’rast u vranë dy pjesëtarë. PSP-ja më herët bëri të ditur se ka të dhëna të besueshme që dëshmia kryesore ku është bazuar akuza, është marrë në rrethana të dhunshme.
