Pas takimit me Këshillin e Sigurimit, presidenti i vendit, Stevo Pendarovski, deklaroi se procesi i vaksinimit nuk duhet të ndërpritet derisa të imunizohen të gjithë.
Ministri i Shëndetësisë Venko Filipçe theksoi se deri më tani asnjë i sëmurë nuk ka mbetur dhe nuk do mbetet pa ndihmë mjeksore, shkruan InfoShqip
“Ajo që ndodhi në Serbi, ato fotografi, turp për shtetin tonë” – tha Pendarovski dhe falënderoi fqinjin verior.
Ai u bëri thirrje institucioneve shëndetësore private të heqin dorë nga përfitimet dhe të ndihmojnë të sëmurët me Covid.
“Në kohë pandemie kolektive, ne nuk duhet të përdorim tragjedinë për përfitime personale” tha ai.
Ai u bëri thirrje politikanëve të japin një shembull në lidhje me masat. Ai pret që Kryeministri Zoran Zaev të arrijë një marrëveshje me Aleancën dhe Alternativën nesër, pasi parlamenti nuk mund të bllokohet për shkak të një propozimi nga opozita. Nëse vaksinimi nuk shkon siç duhet, ai tha se do ta tregonte publikisht në ditët në vijim dhe se nuk duhet të zhgënjejë qytetarët. Ai njoftoi se politikanët gjithashtu do të aplikojnë dhe do të vaksinohen publikisht.
Ai thotë se po kalojmë fazën më të vështirë të pandemisë dhe objektet shëndetësore janë të mbingarkuara./ InfoShqip.com
