Ka përfunduar pa miratimin e raportit, takimi i mbrëmshëm në BDI.
Mbledhja e kryesisë ka zgjatur deri në orët pas mesnate në të cilat është folur për llogaridhënien e tre javëve më parë nga ministrat e BDI-së.
Sipas burimeve të Alsat, në takim ka pasur qëndrime të ndryshme rreth realizimit të tij dhe madje Grupi i Zjarrit ka kërkuar revizion të raportit dhe pas përputhjes së dy drafteve të mund të miratohet raporti final.
Mbledhja e mbrëmshme pa konkluzion pritet të vazhdojë në javët në vazhdim, edhe pse nuk është caktuar një datë.
Sipas informacioneve nga burime të tjera po nga Bdi, në takimin e mbrëmshëm është folur edhe për hyrjen e Aleancës në Qeveri.
Grupi i Zjarrit ka shprehur qëndrimin kundër, pasi mendon se shumica është e qëndrueshme.
