Kryetari i BDI-së, Ali Ahmeti dhe kryetari i PDSH-së, Menduh Thaçi dje kanë zhvilluar një takim të përbashkët në ambientet e Kuvendit të Maqedonisë. Takimi i zhvilluar ka pasur të bëj me ndryshimet kushtetuese, ku siç theks i veçantë siç thuhet është diskutuar çështja e heqjes së 20% nga Kushtetuta.
“Me këtë rast z.Menduh Thaçi e informoi z.Ali Ahmeti me rezolutën e fundit të kongresit të VIII të PDSH-së e cila ka të bëjë me ndryshimin e nenit të kushtetutës së Republikës së Maqedonisë së Veriut ku formulimi matematikorë 20% në lidhje me shqiptarët duhet të zëvendësohet me formulim adekuat si (populli shqiptar, gjuha shqipe).
Poashtu në këtë takim u bisedua edhe për aktuelitetin politik në vend dhe më gjerë. Bashkbiseduesit ranë dakord që takimet e tilla të vazhdojnë edhe me faktorë tjerë politik, ekspertë të lëmisë dhe shoqëritë civile”, thonë mes tjerash në njoftimin nga PDSH.
