Praktika një çmim në rafte, tjetër çmime në kasë nëpër shitore nuk duhet të ekzistoj dhe në rast se qytetarët vërejnë parregullsi të këtilla të denoncojnë në Inspektoratin e Tregut apo në Organizatën e konsumatorëve, kështu u shpreh në emisionin e sontëm “Magazina Ekonomike” në Alsat, Tatjana Tasevska, nga Organizata e Konsumatorëve, shkruan Alsat.
“Duhet i njëjti çmim që është në rafte të jetë dhe çmimi që do paguani në kasë. Nga ana tjetër, tregtarët për shkak të kësaj gjendje, ndryshimi i përhershëm i çmimeve, arsyetohen se nuk kanë kohë që ti ndryshojnë çmimet edhe në rafte edhe në kasë, megjithatë në kasë i ndryshojnë shumë më shpejtë se sa në kasë. Praktika e këtillë nuk duhet të ekzistoj. Në rast se qytetarët vërejnë një praktikë të këtillë duhet të drejtohen ose tek ne ose të Inspektorati i tregut”, tha Tasevska.