Përgjigjet e çështjeve të ngritura në mes dy vendeve tona janë të përfshira në Marrëveshjen për fqinjësi të mirë dhe miqësi, u dakorduan sot kryeministri Zoran Zaev dhe homologu i tij bullgar Bojko Borisov në bisedën e sotme telefonike.
“Së bashku ne ndamë mendimin që së shpejti duhet të arrijmë zgjidhje që do të inkurajojnë përmirësimin e marrëdhënieve në mes Maqedonisë së Veriut dhe Bullgarisë dhe se në të kaluarën e dy vendeve tona ekziston bazë mbi të cilën ne duhet të ndërtojmë të ardhmen tonë të përbashkët në BE”, shkroi Zaev në profilin e tij në Fejsbuk.
Në bisedën telefonike, Zaev e falënderoi Borisovin për urimet që ai shprehu për rizgjedhjen e tij si kryetar i LSDM-së dhe i uroi Borisovit suksese në zgjedhjet e ardhshme parlamentare në Bullgari dhe prosperitet popullit bullgar.
Një mesazh me përmbajtje të ngjashme u postua edhe në profilin e tij në Fejsbuk edhe nga kryeministri bullgar Bojko Borisov.
“Bisedova në telefon me kryeministrin e Republikës së Maqedonisë të Veriut, Zoran Zaev. E përgëzova atë për rizgjedhjen për kryetar të partisë së tij dhe ai më uroi sukses në zgjedhjet e ardhshme parlamentare në Bullgari. Ne të dy ranë dakord që vendimet që të dy vendet duhet të marrin në frymën e Marrëveshjes për miqësi dhe fqinjësi të mire nuk duhet të vonohen në emër të historisë sonë të përbashkët dhe në emër të së ardhmes sonë të përbashkët evropiane”, tha Borisov.
