Ish-kryeministri Zoran Zaev ka reaguar në rrjetet sociale me rastin e hapjes së Qendrës për gjuhën maqedonase në Greqi. Zaev shkruan se kjo është rezultat i Marrëveshjes së Prespës.
“Ja frytet e Prespës, sjellin gëzim për të gjithë ata që flasin gjuhën maqedonase, për të gjithë maqedonasit.
I përgëzoj themeluesit e Qendrës për Gjuhën Maqedonase në Greqi dhe të gjithë qytetarët e Maqedonisë së Veriut dhe Greqisë që gëzohen për këtë akt të bukur, i cili është veçanërisht i rëndësishëm si dëshmi e marrëdhënieve të ngushta mes dy vendeve”, shkruan mes tjerash Zaev.
