Takimi i radhës i liderit të Aleancës për Shqiptarët, z. Ziadin Sela, ishte ai me ambasadorin e Italisë z. Karlo Romeo. Edhe në këtë takim u bisedua kryesisht për mosmarrjen e datës për negociata dhe reformat që ne si shtet duhet t’i arrijmë.
Italia edhe pse mbështetë Maqedoninë e Veriut në rrugën e saj drejt BE-së, ambasadori theksoi se reformat që janë kërkuar si kusht patjetër duhet të arrihen plotësisht. Prandaj në lidhje me këtë, z.Sela me kujdes i shpjegoi të gjitha përpjekjet që Aleanca për Shqiptarët i ka bërë dhe vazhdon t’i bëjë me qëllim të arritjes së një gjyqësori të pavarur, administrate efektive, shtetin e së drejtës dhe luftën më të madhe që e kemi kundër korrupsionit dhe krimit.
Si çdo herë, theks të veçantë lideri i ASH-së i dha propozimit që Prokuroria Speciale të vazhdojë të funksionojë me një prokuror special nga vendet e BE-së, ndërkaq ambasadori shprehu edhe gatishmërinë e Italisë për t’u ndihmuar vendeve të Ballkanit Perendimor në integrimet e tyre drejt BE-së.
Me këtë rast lideri Sela, falemnderoi ambasadorin për mbështetjen që Italia ka treguar edhe ndaj Shqipërisë, ndërsa gjithashtu përmendi edhe nevojën që Kosova të njihet nga BE.