Kryeministri Zoran Zaev gjatë qëndrimit të tij në Nju Jork, përveç takimeve të shumta me përfaqësues të ndryshëm ndërkombëtar, pati takim edhe me Diasporën e Bashkuar të Maqedonisë(DBM). Gjatë këtij takimi Zaev ka thënë se regjistrimi i popullsisë në Maqedoni do të realizohet në vitin 2019.
Me paralajmërimet e këtilla nga ana e kryeministrit Zaev, si duket do t’u vijë përfundimisht fundi të gjitha spekulimeve që kanë të bëjnë me numrin e banorëve të Maqedonisë dhe përqindja e të gjitha nacionaliteteve të tjera që jetojnë dhe veprojnë në Maqedoni.
Nëse realizohet diçka e tillë, kjo do të çojë në mbyllen e një prej problemeve më serioze që i ka Maqedonia vitet e fundit më përqindjen e shqiptarëve dhe etniteteve tjera që jetojnë në këtë shtet. Të shpresojmë se nëse ndodh ky regjistrim nuk duhet anashkaluar shqiptarët që jetojnë në shtetet e perëndimit dhe në shtetet tejoqeanike.
