Nëse dëshira e Barcelonës për të rikthyer Lionel Messin ishte një ‘sekret i folur’ gjatë sezonit të kaluar, tani është një objektiv i konfirmuar për Blaugranët, sipas komenteve të bëra nga zëvendës-presidenti Rafa Yuste.
Sipas gazetës Mundo Deportivo, arsyet e rikthimit të Messit në Camp Nou shkojnë edhe përtej fushës.
Ky medium shton se mdërsa Messi padyshim do të përfaqësonte një kërcim të madh në cilësi për Barcelonën për sa i përket teknikës, ai do të sillte gjithashtu përfitime të mëdha ekonomike.
Sipas informacioneve të tyre, prania e tij vlente rreth 250-300 milionë euro për Barcelonën para se të largohej. Një numër sponsorësh iu bashkuan Paris Saint-Germainit kur edhe Messi iu bashkua.
Tani e përditshmja katalunase shton se nëse ata thjesht mund ta transferojnë Messin dhe ta regjistrojnë, atëherë Barcelona do të jetë në gjendje të rrisë të ardhurat e saj me 25%, me vlerësimin optimist që qëndron rreth një të tretën.
Ndërsa këto vlerësime duken optimiste, pa dyshim që ka avantazhe për të pasur një nga emrat më të mëdhenj në mbështetje në radhët tuaja.
