Gjykatësi i New York refuzon të hedhë poshtë padinë e ngritur ndaj ish-Presidentit për shtim të paligjshëm të aseteve, edhe pse avokatët e tij bëjnë thirrje për apelim. “Donald Trump kreu mashtrim për vite me rradhë gjatë ndërtimit të perandorisë së pasurive të paluajtshme që e katapultoi atë drejt famës dhe Shtëpisë së Bardhë”, shkroi të martën në vendim gjykatësi i New York-ut në vendimin e tij.
Gjykatësi Arthur Engoron zbuloi se Trump dhe drejtuesit e kompanisë së tij, duke përfshirë edhe djemtë Eric dhe Donald Jr, në mënyrë të përsëritur kanë mashtruar bankat.
“Dokumentet këtu përmbajnë qartësisht vlerësime mashtruese që të pandehurit i përdornin në biznes,” shkroi Engoron.
James ka thënë se Trump ishte angazhuar në një operacion duke rritur vlerën e tij neto deri në 2.23 miliardë dollarë deri 3.6 miliardë dollarë, në pasqyrat financiare vjetore dhe të dhënat e bankave. Alina Habba, këshilltarja e përgjithshme e Trump, e përshkroi Organizatën Trump si “një histori suksesi amerikan” dhe e quajti vendimin e gjyqtarit “të metë”, raport The Guardian.
“Ne synojmë ta apelojmë menjëherë këtë vendim, sepse Presidenti Trump dhe familja e tij, si çdo pronar biznesi amerikan, kanë të drejtë të marrin gjykimin që meritojnë për suksesin e tyre.”, tha Habba në një deklaratë të martën. Ekipi ligjor i Trump kishte kërkuar më parë nga Engoron që të pushonte çështjen kundër tij, duke argumentuar se James nuk kishte autoritet për të ngritur padinë sepse nuk kishte prova që publiku ishte dëmtuar nga veprimet e Trump dhe se shumë nga akuzat ishin përtej statutit të kufizimeve. Gjykatësi tregoi javën e kaluar se ai nuk ishte i prirur të ishte dashamirës, duke qortuar avokatët e Trump për bërjen e “argumenteve joserioze”. Chris Kise, i cili gjithashtu përfaqëson Trump në një padi federale në Florida lidhur me trajtimin e dokumenteve të klasifikuara nga ish-presidenti pas largimit nga Shtëpia e Bardhë, argumentoi: “Ajo që po ndodh këtu është ajo që ndodh çdo ditë në transaksionet komplekse të biznesit”.
“Fakti që askush nuk u lëndua nuk do të thotë se çështja pushohet.”, tha ai. Në vendimin e tij të martën, ai miratoi një mocion që kërkon sanksione kundër ekipit ligjor të Trump për bërjen e përsëritur të argumenteve tashmë të refuzuara, duke gjobitur pesë avokatë me 7,500 dollarë secili.
