Kryetari i PDK-së Kadri Veseli është kandidat i kësaj partie për kryetar të Kuvendit të Kosovës.
Lajmin e ka dhënë nënkryetari i kësaj partie Rexhep Hoti.‘Po, kandidat për kryetar të Kuvendit do të jetë sërish Veseli dhe sapo të zyrtarizohen nesër procedurat do të fillojmë me punët që institucionet e Kosovës të mos vonohen aspak”, tha Hoti në rtk.
Në bazë të Kushtetutës së Kosovës, seanca konstituive e Kuvendit duhet të mbahet brenda tridhjetë ditësh nga dita e shpalljes zyrtare të rezultateve të zgjedhjeve.
Pas konstituimit të Kuvendit, Presidenti i Kosovës i jep mandatin partisë apo koalicionit fitues të zgjedhjeve për të formuar Qeverinë. /albeu.com/
