Nga sherri i përfolur te kritikat, Gerta Gixhari flet për raportin me Oltën: Si më hoqi shefja nga puna se ishte xheloze për mua

Gjatë kohës që Olta Gixhari ndodhej brenda shtëpisë së “Big Brother VIP”, një temë që u diskutua jashtë ishte në lidhje me raportin me motrën e saj Gertën.

Në rrjet u përfol se marrëdhënia mes dy motrave ishte e krisur pasi ato nuk e ndiqnin njëra-tjetrën në “Instagram” madje as nuk kishin kontakte.

Por të gjitha këto spekulime u hodhën poshtë pas videos që Olta publikoi pas daljes nga BBVIP ku shfaqej duke takuar me mall gazetaren. E ftuar në “Natën me Aulonën”, Gerta ka rrëfyer mjaft detaje nga jeta e saj personale, ndërsa është ndalur edhe tek raporti me Oltën, duke zbuluar se në fakt ato nuk ndiqen në “Instagram” prej vtiesh.

Moderatorja theksoi se nëse do ta bënin sërish “follow” njëra-tjetrën, pikërisht tani, do të dukej sikur ishin zënë apo kishin pasur konflikt mes tyre.

“Ka vite që ne nuk jemi ‘follow’. Shumë vite. Nuk është se ka ndodhur tani. Nëse bëhemi ‘follow’ do duket sikur ishim zënë dhe jemi pajtuar. Nuk ka ndonjë vlerë. Plus i kemi të dyja të hapur profilet. Përderisa erdhi direkt nga spektakli në shtëpinë time, kishte nevojë për atë përqafimin, për miratimin tim. Shenjë falënderuese është edhe ajo. Nuk pranon që t’i bëj asnjë kritikë. Sepse tani ajo nuk e ka idenë se çfarë ka ndodhur. Gjithmonë mendon se situata ka qenë siç po e përjeton ajo. Po përjeton një situatë shumë të mirë, të gjithë e duan, kanë dëshirë ta takojnë”, u shpreh Gerta, duke treguar kështu se çdo gjë mes tyre është shumë mirë duke hedhur poshtë çdo spekulim për to.

Më tej, gazetarja ka folur edhe për një rast, kur është pushuar nga puna në “Top Channel”.

“Po patjetër që më kanë hequr nga puna në mënyrë të padrejtë, nga xhelozia femërore, por prapë unë nuk jam nga ajo feministja e thekur. Kam debatuar me personin, jam munduar të kërkoj të drejtën time edhe më lart se pozicioni i shefes time, por nuk e kam gjetur. Për shembull nga ‘Top Channel’ unë ika sepse ajo që ishte mbi mua, kryeredaktorja u ndje xheloze dhe ma tha shumë hapur. Më tha arsyeja pse dua të ikësh Gerta nuk ka të bëjë më punën, por thjesht nuk më ecën muhabeti me ty. Unë nuk isha ajo vajza që bëja lajka, të shkoja në mëngjes t’i çoja ndonjë frutë, kafe. Ky rast ka vite, por këto janë situata që ekzistojnë në Shqipëri. Janë pikërisht këto njerëz që të pengojnë të ecësh përpara. Në fakt bëri shumë mirë që më hoqi se menjëherë pas kësaj unë shkova në RTSH dhe realizova ëndrrën time që ishte të kisha një program timin personal”, tregoi Gerta.


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu