Obama, rusëve: Jeni të vegjël e të dobët për ne, pos naftës e gazit – gjë tjetër s’dini të prodhoni! (VIDEO)

Presidenti amerikan, Barack Obama, mbajti konferencën e fundit për këtë vit dhe të fundit si president.

I irrituar me sulmet kibernetike ruse në zgjedhjet presidenciale që sollën fitoren e Donald Trumpit, Obama kritikoi ashpër Rusinë, shkruan The Guardian.

“Rusët nuk mund të na dobësojnë. Ato janë më të vegjël e më të dobët se ne. Ekonomia e tyre nuk prodhon asgjë që të tjerët duan, pos naftë, gaz dhe armë. Ata nuk janë inovativë, por mund të ndikojnë veç nëse ne humbim hapin tonë dhe heqim dorë nga vlerat tona. Putini nuk mund të na dobësojë, ashtu siç e dobësoi Evropën”, ka thënë Obama, transmeton Telegrafi.

Në pyetjen nëse e konsideron presidentin rus Vladimir Putin përgjegjës për hakimin e zgjedhjeve amerikane, ai ka thënë se përgjigje duhet të japin organet e sigurisë, por shtoi se pak gjëra në Rusi ndodhin pa Putinin.

Obama është marrë edhe me sondazhet që tregojnë se një e treta e votuesve republikan në SHBA janë dashamirës të Putinit.

“Ronald Reagan po rrotullohet në varr”, ka thënë Obama. /Telegrafi/


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu