Qeveria ka sjellë vendim, ora policore do të fillojë në ora 20:00. Për këtë vendim komunikohet nga ministri dhe zëvendësministri i Shëndetësisë, Venko Filipçe dhe Ilir Hasani dhe kryetari i Komisionit për Sëmundje Ngjitëse, Zharko Karaxhoski.
Me këtë, pritet të shkurtohet edhe orari i punës së kafeneve si dhe aktiviteteve tjera.
Nga Komisioni për Sëmundje Ngjitëse, për TV21 bëjnë të ditur, se masat për parandalimin e shpërndarjes së Covid-19, për të cilat do të vendos sot Qeveria e Maqedonisë së Veriut, janë propozuar shumë më herët.
Bëjnë të ditur, se në pakon e masave anti-Covid, parashihet zgjatja e orës policore, nga ora 20:00 deri në ora 05:00, dhe mbyllje e kafeneve, pjesërisht dhe tërësisht.
“Për momentin këto janë masat, nuk ka të tjera”, thanë nga Komisioni për Sëmundje Ngjitëse për TV21.