Gara presidenciale në Shtetet e Bashkuara të Amerikës nuk ka mbetur jashtë vëmendjes së kompanive të basteve në Shqipëri, të cilat nxituan të publikojnë koeficientët për t’i ftuar shqiptarët të provojnë parashikimin e tyre për fituesin.
BalkanWeb ka siguruar një skedinë fituese të kapur në Elbasan, ku shqiptari fatlum ka vendosur 1.000 lekë të reja për fitoren e Donald Trumpit dhe ka fituar mëngjesin e sotëm, kur edhe u shpall rezultati zyrtar, fiks 3.500 lekë të reja. Siç kuptohet edhe nga bileta fituese, skedina është vendosur në orën 20:40 të së martës kur në SHBA sapo kishte nisur dhe procesi i votimit.
