Sllovenia do ta ratifikojë Protokollin inkuadrues për NATO-n

Sllovenia sot pritet në seancë të jashtëzakonshme në Parlament ta ratifikojë Protokollin për inkuadrimin e Maqedonisë në NATO. Me këtë, Sllovenia do të jetë vendi i dytë anëtar i Aleancës, i cili pas Greqisë do ta ratifikojë Protokollin inkuadrues për NATO-n.

Ligji për ratifikimin e Protokollit dje mori dritë të gjelbër nga Komisioni parlamentar për politikë të jashtme në Parlamentin slloven.

Në seancën në Kuvendin shtetëror pritet të marrin pjesë edhe kryetari i Kuvendit të Maqedonisë, Talat Xhaferi, i cili qëndron për vizitë zyrtare në Slloveni.

Sipas paralajmërimeve nga Shqipëria, të enjten Protokollin inkuadrues duhet të ratifikohet edhe nga Kuvendi i Shqipërisë. Mediat shqiptare njoftuan se protokolli për anëtarësim të Maqedonisë në NATO tashmë ka marrë dritë të gjelbër nga Komisioni ligjdhënës parlamentar dhe se të enjten është caktuar seancë në Parlament.

PËRGJIGJU

Please enter your comment!
Please enter your name here