Teksa vendi është “pushtuar” sërish nga i nxehti përvëlues dhe temperaturat e larta prej disa ditësh, një mot i pazakontë ka përfshirë qytetin e Shijakut dhe Durrësit mbrëmjen e sotme.
Siç shihet dhe në pamjet e mbërritura në redaksinë e JOQ Albania, rrufetë kanë “pushtuar” qiellin dhe për disa momente nata bëhet ditë nga ndriçimi i tyre.
Rrufetë kanë dhuruar “spektakël” në qiell dhe imazhet e fotografuara që tregojnë fuqinë e natyrës janë vërtetë mahnitëse, por dhe të frikshme njëkohësisht.
Moti i pazakontë me reshje të dendura dhe shkarkesa të fuqishme atmosferike zgjati vetëm pak minuta.
Deri më tani ende nuk ka raportime për dëme që mund të jenë shkaktuar nga reshjet e shiut ose shkarkesat elektrike.
Kujtojmë këtu se edhe ditën e djeshme qyteti i Durrësit u pushtua nga shkarkesa të fuqishme atmosferike.
