Pas daljes nga “Big Brother Vip”, Olta Gixhari, ka qenë një ndër banoret më të komentuara të këtij edicioni, ku gjatë kësaj kohe, aktorja ka qenë shumë aktive në rrjetet sociale, e në disa raste duke iu kthyer përgjigje ndjekësve për pyetjet që ata i kanë drejtuar.
Së fundmi, ajo ka bërë një bashkëbisedim me ndjekësit e shumtë, ku dikush e ka pyetur në lidhje me Armina Mevlanin, të cilën e ka shoqe, por që ajo ka mbështetur Luiz Ejllin në ‘BB VIP’.
“Të ngeli hatri me Arminën që mbështeti Luizin më shumë dhe jo ty që të ka shoqe”?- e ka pyetur një ndjekës.
“Aspak. Unë Arminën kam shoqe të mirë. Të gjitha shijet janë të drejta”, përgjigjet Olta, e cila më pas shton: “Kurse me Berishën po më ka ngelur hatri”, duke mos dhënë më shumë detaje për këtë hatërmbetje.
