Pjesëtarë të xhandarmërisë serbe janë futur në territor të Kosovës, pasi raportohet se kanë kaluar vijën kufitare në Karaçevë.
Këtë e ka bërë të ditur ish-kryetari i Kamenicës, Shaip Surdulli, i cili tha se e kishte vëzhguar depërtimin e tyre poshtë malit të Karaçevës.
Sipas tij kjo ngjarje ka ndodhur të dielën që e lam pas.
”Të dielën ne ishim në oborr të shtëpisë dhe pamë disa ushtarë të uniformuar me mjete të gjata, duke ardhur nga mali nga pjesa e Serbisë ku kaluan në rrugën tonë të lagjes”.
”Menduam se janë pjesëtarë të KFOR-it ukrainas, e nuk besuam që janë ushtria serbe, por pas pak kohës erdhën policia e Kosovës të cilët thanë se kanë vëzhguar nga distanca ata të cilët janë rikthyer përsëri”.
”Kjo ishte ngjarje shqetësuese”.
”Policia kosovare janë këtu pari, por këtë pjesë e kanë të ndaluar ta kontrollojnë”.
