Klubi i Barcelonës ka refuzuar të gjitha lajmet që pretendojnë se babai i Neymar ka kontaktuar klubin në lidhje me rikthimin e brazilianit. Neymar u transferua në PSG në një marrëveshje rekord në gusht të 2017, por lojtari nuk është i kënaqur në Francë dhe raportohet se dëshiron rikthimin në La Liga, shkruan GazetaBlic.
Zyrtari i Barcelonës, Josep Vives thekson se lajmet për rikthimin e sulmuesit nuk janë të vërteta.
“Në radhë të parë, nuk është kështu, Neymar u largua për shkak se ai vendosi, dhe prej atëherë nuk kemi asgjë për të thënë për të” tha Vives.
“Nuk kemi folur kurrë për lojtarët që kanë kontrata me klubet e tjera”, përfundoi ai.