Një nga pronarët e klubit Inter Miami, David Beckham, ka komentuar transferimin e Lionel Messit, i cili së fundmi është prezantuar si lojtar i ri i skuadrës së Mayro League Soccer (MLS).
Beckham ka vite që punon për të sjellë yllin argjentinas dhe ia doli këtë verë pasi solli Messin si lojtar të lirë, kontrata e të cilit me Paris Saint Germain kishte skaduar.
Duke folur për mediumin The Athletic, Beckham zbuloi disa detaje interesante rreth këtij transferimi. Edhe pse e dinte që Messi do të ishte lojtari i ri i klubit të tij, Beckham nuk e dinte që argjentinasi do ta shpallte njoftimin në faqen e tij të internetit.
“Disa javë më parë u zgjova me një milion mesazhe në telefonin tim. Po mendoja se çfarë ndodhi… Zakonisht nuk marr aq shumë mesazhe. Papritur dëgjova që Leo më telefonoi dhe njoftoi se po vinte në Miami. Natyrisht, nuk ishte asgjë e re për mua”, tha Beckham në një intervistë për Athletic.
Ai shtoi se ishte i bindur që në fillim se do të mund të sillte lojtarët më të mirë në botë në Inter Miami.
“Gjithmonë e kam thënë që në fillim se nëse do të kem mundësi të sjell lojtarët më të mirë, në çdo fazë të karrierës së tyre, do ta bëj. Unë u përkushtova për tifozët tanë”, përfundoi legjenda angleze.
Në Inter Miami, Messi do të ribashkohet me ish-trajnerin e Barcelonës dhe trajnerin e Argjentinës, Gerardo Martino, i cili pasoi Phil Neville si menaxher të klubit.
Përveç kësaj, klubi do të ketë një koleg, shok skuadre dhe mik prej kohësh Sergio Busquets, i cili nënshkroi për Inter Miamin pas largimit nga katalanasit.
