Shefi i diplomacisë serbe, Ivica Daçiq theksoi se vendimin e Maqedonisë së Veriut për mosekstradimin e ish-ushtarit të UÇK-së Tomor Morina në Serbi është politik.
Ai tha se nëse për dikë ka flet-arrest nga INTERPOL-i, nuk duhet të mendohet nëse do të ekstradohet ose jo.
““Nëse dikush ka fletë-arrest nga Interpoli, atëherë pse duhet të mendohet nëse do të ekstradohet apo jo. Kjo ashiqare bëhet për arsye politike”, theksoi Daçiq.
Ai tha se edhe Franca në këtë mënyrë e ka lëshuar Ramush Haradinajn dhe sipas tij, është problem që edhe Haradinaj, por edhe ushtarë tjerë të UÇK-së nuk do të përgjigjen.
“Morina dhe të tjerët asnjëherë nuk do të përgjigjen”, theksoi ministri i Punëve të Jashtme të Serbisë, duke shtuar se “vendet perëndimore kërkojnë që Kosova të bëhet anëtare e Interpolit, ndërsa ata nuk e respektojnë këtë organizatë.
