Kriza politike në Maqedoni është e thellë dhe komplekse, ajo buron nga problemet në funksionimin e demokracisë dhe sundimit të ligjit dhe si e tillë nuk mund të zgjidhet brenda natës, as të vetëm në zgjedhje, por ata janë një hap i rëndësishëm në këtë drejtim, tha ambasadori britanik Charles Garrett në një intervistë për BIRN, përcjell Telegrafi Maqedoni.
‘Do të duhen muaj, ndoshta edhe vite për tu zgjidhur gjërat. Zgjedhjet do të jenë fundi i një faze të procesit dhe do të jenë shumë të dobishme. Zgjedhjet e besueshme më 11 dhjetor do të jenë një hap i mirë në këtë drejtim të kthimit të Maqedonisë, ku ajo duhet të jetë’, tha Garrett.
Prandaj ai shpreson se zgjedhjet do të mbahen në datën e fundit të rënë dakord, një vit në procesin negociator, për shkak se shtyrja e vazhdueshme e zgjedhjeve krijon pasiguri dhe ushqen konfuzion.