Xhorxho Kielini është kapiteni i ri i Juventusit pas largimit të Bufon. 34-vjeçari prej vitesh është në nivele të larta dhe një nga pikat kryesore te Juventusit. Ai për “BBC” ka komentuar edhe mbërritjen e Kristiano Ronaldos.
“CR7 ka shënuar disa herë kundër nesh si kundërshtar, madje shumë herë. Shpeshherë ka thyer ëndrrat e mia, si në Kardif, Madrid e Torino. Më parë Championsi ishte ëndërr për ne, ndërsa tani është objektiv. Jemi mes 4-5 skuadrave që mund ta fitojnë. Ronaldo është më i miri në botë dhe shpresojë të bëjë diferencën me personalitetin e tij. Isha kurioz ta shihja nga afër në fushë, por edhe jashtë saj. Përpiqem të mësoj nga ai. Më ka ndihmuar shumë. Nuk e besoja se do të vinte te Juventusi dhe kur fola me presidentin mbeta i habitur.”, shprehet Kielini.
Më pas ai flet edhe për Superkupën dhe objektivat që bardhezinjtë kanë. “Duam të fitojmë Superkupën. Në seria A, ishim perfektë në këto 3 muaj, por e dimë se pjesa më e vështirë është tani. Nuk e di dhe sa do të luaj, por jam i përgatitur për fundin e karrierës. Jetoj çdo ditë, po zbavitem dhe do të më pëlqente të rrija këtu”, përfundon italiani.
Gjithashtu qendërmbrojtësi ka folur edhe për Gonzalo Higuain, ish-shokun e tij të ekipit. “Është një lojtar dhe sulmuesi i madh, sepse ai e ndihmon ekipin në fazën e ndërtimit të aksioneve dhe është vrasës përpara portës. Nëse fillon të krijojë mundësi goli dotë jetë shumë e vështirë të ndalet. Nëse arrijmë ta izolojmë sa më shumë dhe ta mbajmë sa më larg topit, do të jetë më mirë për ne.”, u shpreh Kielini, duke zbuluar edhe një “formulë” se si ndalet argjentinasi.
Nuk mund të mungonte edhe një komen për Kutronen, sulmuesin e ri që po befason. “Ka më tepër energji dhe duhet të kudjesi për të kur të vijnë krosa brenda zonës. Jemi të përgatitur për të dy, edhe nëse luajnë së bashku”