Majlinda Kelmendi është kualifikuar në finale në Lojërat Olimpike në Rio.
Xhudistja kosovare në gjysmëfinale e ka mposhtur japonezen, Misato Nakamura, pas një lufte tepër të fortë, falë një kartoni të kundërshtares.
Në finale do të ballafaqohet me italianen Odete Giuffrida, e cila në gjysmëfinale e mposhti kinezen Ma Yingnan.
Tashmë Majlinda ia ka siguruar medaljen e parë në histori Kosovës, por gjithsesi se synimi i saj është medalja e artë, në mënyrë që të intonohet himni i Kosovës në Rio dhe të valojë flamuri i shtetit tonë.
Të shpresojmë se edhe në finale Majlinda do të shkëlqejë dhe do ta realizojë ëndrrën e saj dhe të gjithë shqiptarëve.
