Trajneri portugez Jose Mourinho ishte i zhgënjyer, por edhe i zemëruar pas humbjes së Romës në finalen e mbrëmshme të Ligës së Evropës kundër Sevillas, pas gjuajtjeve të penalltive.
Trajneri i Romës është pushtuar nga emocionet dhe nuk ka mundur ta kontrollojë veten. Pas ndeshjes ka pritur gjyqtarët e këtij dueli në parkingun e “Puskas Arena” në Budapest.
Ai përcolli gjyqtarin Anthony Taylor jashtë stadiumit me fjalët “turp, turp” të cilat i përsëriti disa herë para se të fliste në italisht.
Më pas Mourinho shkoi te minibusi në të cilin ndodhej gjyqtari anglez dhe i dërgoi një fjalë tjetër mallkuese: “Urime, turp!”.
Ai u ankua në referim edhe pas ndeshjes.
Pas 90 minutave rezultati ishte 1:1, dhe mbeti i njëjtë pas 120 të tjerave. Në penallti, lojtarët e Romës u treguan të pasaktë.